Eva, Heiða og Hildur

Jesus Christ Superstar

Sun, 09 Dec 2007 14:43:54 GMT

jæja það er ég enn einu sinni hehe

langaði bara að segja ykkur að ég ætla ekki að halda upp á 15 ára afmælið mitt þann 17. jan heldur að hvetja fólk til að fjölmenna á Superstar í Borgarleikhúsinu 17. jan sem er fimmtudagur :D Miðinn kostar 3600 kr nema ef hann er borgaður fyrir 15. des en þá kostar hann 2900 kjell....ég á pantaða 13 miða á bekk 4 og það eru 3 lausir af þeim 8| ...þessir miðar eru sæti 9-21 og það er eitthvað laust í kring en ekki svo mikið svo það er best að hafa hraðar hendur ;) En endilega komið ef þið hafið áhuga...spurning um kannski mat eða vín áður og svo kaffihús eftirá eða bara hvað sem er skemmtilegt!!

Ég og Fjóla reiknum svo með að halda alvöru partý 23. febrúar (takið daginn frá!!!) til að fagna útskrift og 15 ára afmælinu hehe

Hafið samband ef ykkur langar að vera memm

kv. HH

Jólagjöfin í ár

Fri, 30 Nov 2007 15:08:08 GMT

Hver segir að húsverk þurfi endilega að vera leiðinleg!! http://www.dominicwilcox.com/orgasmatron.html

Fróðleikur dagsins ;)

Fri, 23 Nov 2007 10:35:38 GMT

Colin Firth les inná videoið svo það er ekkert í stöðunni nema að hækka í botn...

http://www.amnesty.org/resources/slideshow/deathpenalty/stopthedeathpenalty_un.swf

91% allra aftaka fara fram í sex löndum: Kína, Íran, Pakistan, Írak, Súdan og Bandaríkjunum.

Á allsherjarþingi Sameinuðu þjóðanna hinn 15. nóvember s.l. var samþykkt tillaga í þriðju nefnd þingsins um að aftökur verði stöðvaðar um heim allan. Það er stór áfangi í baráttunni fyrir heimi án dauðarefsinga að á vettvangi Sameinuðu þjóðanna hafi tillaga náð fram að ganga þar sem samþykkt er að stöðva aftökur á heimsvísu. Amnesty International og Alþjóðasamtök gegn dauðarefsingunni (World Coalition Against the Death Penalty) leituðu eftir stuðningi almennings við tillöguna og skrifuðu rúmar 5 milljónir manna undir alþjóðlega bænaskrá samtakanna.

Við hestaheilsu

Mon, 05 Nov 2007 15:48:32 GMT

Þar sem við trillur höfum ekki verið mikið á meðal fólks upp á síðkastið þá langaði mig rétt svo til að fyrirbyggja allan misskilning að láta vita af því að við erum sprell lifandi og við hestaheilsu-er myndin hér að neðan til sönnunar á því. Síðustu vikur höfum við notið þess að lesa bækur við kertaljós og dúllast í verkefnum okkur til yndisauka, en munum bráðlega taka upp á því að eiga samneyti við annað fólk...svosum eins og í janúar.

Kær kveðja,

fyrir hönd trillanna

Hildur

fréttamolar

Fri, 20 Jul 2007 10:03:54 GMT

jújú ég og Erna nádum sáttum eftir ad hún kom frá uppbyggingarlandinu (lególandi) og høfum vid ákvedid ad láta rifrilid okkar um hnetusmjør ekki skyggja á ást okkar. Vid høfum einnig ákvedid ad vera duglegri vid ad hrósa hvor annarri, hún sagdi til dæmis vid mig í morgun ad ég væri med addáunarvert meltingarkerfi og lídur mér mjøg vel eftir ad hafa verid slegnir svo gódir gullhamrar. Ernu óskadi ég svo til hamingju med frunsuna sína og sagdi hana fruntalega flotta. Thetta var falleg morgunstund.

Margt hefur á daga okkar drifid thennan mánudinn. Vid fórum til dæmis á Roskilde Festival med mjøg gódum hópi og thar var sko bullandi og sullandi gaman (mun setja hér inn myndir um leid og vid Eva og Heida setjum inn myndir frá interrailinu). Mig langar sérstaklega ad færa manninum sem hannadi tjaldid okkar miklar thakkir og thá adalega fyrir hid frábæra loftgat sem hann setti ofan á tjaldid - thad reyndist okkur mjøg vel.

Annars er ég bara búin ad hafa thad mjøg gott hér og væri alveg til í ad vera lengur. Ég er búin ad hitta og kynnast fullt af gódu fólki og fara á marga skemmtilega tónleika...svo er sólin farin ad skína aftur og fuglarnir ad syngja. Vid Erna fljúgum heim á fimmtudaginn í næstu viku og svo flýg ég til Vopnafjardar daginn eftir. Núna á eftir ætlum ég og Anna Margrét í sveitina til Erlu okkar ad halda upp á 25 ára afmælid hennar og verdur thad án efa mjøg skemmtileg ferd hehe

Einnig er allt gott ad frétta af Evu og Heidu. Eva hefur til dæmis ákvedid ad læra ad prjóna grifflur og vettlinga fyrir bædi hægri og vinstri og á thad líklegast eftir ad ganga vel. Hún hefur einnig hafid tónlistarnám og vard trompet fyrir valinu, hún hefur einungis gist einu sinni í fangaklefa eftir æfingar sínar og tel ég thad nokkud gott - til hamingju Eva. Heida sagdi upp thýska ástmanni sínum til ad stydja vid bakid á mér í hremmingum okkar Ernu. Hún hefur nú ákvedid ad eyda sumrinu í leit ad fjólubláum fjøgurra blada smára - thá kýs ég thýska ástmanninn heldur.

jæja yfir og út

HH baun

Pása

Mon, 02 Jul 2007 09:03:59 GMT

Gódan daginn,

ég veit ad thid áttud ekki von á thessu en ég og Erna høfum ákvedid ad taka okkur smá pásu frá hvor annarri, vid erum ekki alveg hættar saman en ætlum ad hugsa okkar gang í sitthvoru lagi - thad er víst mjøg gód adferd. Hún er í thessum skrifudu ordum á leid til uppbyggingarsvædisins á Jótlandi thar sem fjølskylda hennar mun vera henni stod og stytta í leitinni ad sjálfri sér. Ég hins vegar mun eyda thessum einmannalegu døgum í Kaupmannahøfn thar sem rigningin mun líklega skola af mér sídustu leifarnar af hnetusmjørinu sem hún bar svo fallega á mig ádur en myrkrid helltist yfir okkur.
-Ástædan? Thad er svo margt...hún drekkur Captein Morgan-ekki ég, hún vill Peter Pan hnetusmjør - ég vil Neslie...thad tharf ekki ad segja meira...

Kv.

Hildur - í sárum

dagbók trillu

Sat, 16 Jun 2007 09:47:24 GMT

ástkæra fósturmold, mikið ertu nú fögur í dag! Ríkuleg er guðs gjöf að geta gengid hér um þessa stórkostlegu náttúrusmíð. Það hefur heldur betur þurft mikið hamfarahlaup til ad mynda þessi háu og þverhníptu hamraþil svo ekki sé talað um standbergið ótrúlega...Skyldi Sleipnir hafa stigið hér fæti niður?
-ahh hvað það er unaðslegt að geta andað svo tæru og ævintýraríku lofti að sér...

...

Mon, 11 Jun 2007 13:38:18 GMT

Eva hrópar: Yeeesss Reykjavík er mín!

Heiða hrópar: Vá geðveikt sætur túristi við Botnstjörn!

Hildur hrópar: Er det noget jeg kan hjælpe dig med!

Kvikmyndagetraun

Tue, 01 May 2007 14:02:00 GMT

Af því að svo margir eru farnir að vera með svona spurningagetraunir á síðunum sínum þá auðvitað hermum við eftir því eins og öllu öðru :lol:

Byrjum á íslenskum kvikmyndum.

Spurt er: hver sagði og í hvaða kvikmynd:

1) "...er það ekki þessi feita sem var í Kananum?"

2) "Veðrið? Já það er búið að vera fínt veður..í mörg ár. Snjóað? Jújú.. það hefur snjóað alveg heilmikið..í mörg mörg ár, alveg síðan á Sturlungaöld!"

3) "Hún lét mig sitja einan í myrkrinu, og það á Chaplin mynd".

Og koma svo!!!

Hér er vísbending við fyrstu spurningunni...sú sem talað var um heitir Freyja

........

Thu, 26 Apr 2007 13:59:57 GMT

Það er vissara að passa sig á norskum karlmönnum í framtíðinni!!

Tekið af mbl.is

Annar hver norskur karlmaður telur að daðurgjarnar konur geti sjálfum sér um kennt ef þeim er nauðgað. Þetta kemur fram í skýrslu Amnesty International og upplýsingamiðstöðvar fyrir karla í Noregi.

Töldu 48% þátttakenda í könnun að konur beri að öllu leyti eða hluta ábyrgð á því að þeim sé nauðgað ef þær hafa daðrað opinskátt áður en þær verða fyrir árás.

Þetta kemur fram á fréttavef Aftenposten.

Einn af hverjum fimm þátttakendum sagði að konur sem eru þekktar fyrir að vera með mörgum mönnum beri að öllu leyti eða hluta ábyrgð á því ef þeim er nauðgað.

28% sögðust telja að kona sem klæðir sig á kynferðislega ögrandi hátt beri að öllu leyti eða hluta ábyrgð á því ef henni er nauðgað.

John Peder Egenæs, framkvæmdastjóri Amnesty í Noregi segir niðurstöður könnunarinnar skelfilegar. Jens Stoltenberg, forsætisráðherra Noregs, tók í sama streng, og sagði viðhorf norskra karlmanna mikil vonbrigði.

Ég meina....hvers konar steinaldarviðhorf eru þetta!! Það væri mjög áhugavert að sjá svona könnun gerða á Íslandi. Annars erum við á lífi, nóg að gera í prófalestri og ritgerðarsmíðum. En sumarið er handan við hornið, má koma eftir svona 18 daga:) Vona að allir hafi það gott og séu glaðir með sig og sína (annað en hann Róbert félagi okkar sem ku vera að skíta upp á bak og er ekki glaður með sig, né sína!!).

bezz

!!

Fri, 23 Mar 2007 15:14:47 GMT

Gamlar teiknimyndasögur eru snilld!!! Eitthvað sem átti ekki að vera brandari en er alveg drepfyndið í dag :lol:

Sá þessar myndir á b2.is

Hehe hvað var vélmennið eiginlega að gera!!

Haha þarna komst upp um þig Batman!!

Eurovision

Tue, 13 Mar 2007 13:47:16 GMT

Ekkert spes myndband + dökkbrúnt hár - rokk = ekki í úrslitin.

Afhverju er búið að breyta laginu svona mikið, mér fannst það töff eins og það var, með gíturunum og alles. Anna Dögg...hvað var kærastinn þinn að hugsa!! En smekkur manna er misjafn, þetta er allavega mín skoðun :)

Fyrir þá sem misstu af frumsýningunni í Kastljósinu í gær þá er myndbandið komið hingað http://kvikmynd.is/video.asp?land=&offset=&id=3206

Þú ert 90´s kid ef þú:

Thu, 25 Jan 2007 22:01:45 GMT

Þú getur klárað þessa setningu [ice ice _ _ _ _ ] Þú manst eftir því þegar það var ennþá spennandi að vakna á laugardagsmorgnum til að horfa á barnaefnið... Þú færð ennþá "urge" til að segja "NOT" á eftir næstumþví öllu Það var gert út um málin með "steinn skæri blað" eða "ugla sat á kvisti"... Þegar lögga og bófi var daglegt brauð Þegar við fórum í feluleik þangað til við gátum ekki meir Þegar við vorum vön að hlýða foreldrum okkar... Þú hlustaðir á útvarpið allan liðlangan daginn til að bíða eftir uppáhaldslaginu þínu, til að taka það upp á kasettutækið.. Þú manst eftir því þegar Super Nindendos og Sega Genisis urðu vinsælir Þú horfðir alltaf á America's Funniest home videos Þú horfðir á Home Alone 1, 2, og 3 og reyndir að gera sömu trikk Þú manst eftir því þegar Jójó voru kúl Þú horfðir á Batman, Aladín, Turtles og Pónýhestana... Þú manst eftir sleikjóunum sem voru á hring til að hafa á puttanum.. Þú manst þegar það áttu ekki allir geislaspilara Þú bjóst til gogg þegar þú varst lítill... Þú áttir tölvugæludýr ...eða Furbie Þú hefur ekki alltaf átt tölvu, og það var töff að vera með Netið Og Windows '95 var best Michael Jordan var aðal hetjan.. Kærleiksbirnirnir Þú safnaðir lukkutröllum Og áttir vasadiskó Þú kannt Macarena dansinn utanað Þú veist af hverju 23 er kúl tala Áður en að Myspace varð vinsælt, Áður en Netið kom og enginn vissi hvað sms var.. Áður en ipod kom til sögunnar Áður en PlayStation 2 og Xbox voru til, Þegar strigaskór með blikkljósum voru málið Og þú leigðir spólur, ekki dvd, Og það var eiginlega enginn með símanúmerabirti Og þegar við hringdum í útvarpið til að reyna að fá uppáhalds lagið okkar spilað til að hlusta á í vasadiskóinu Áður en við áttuðum okkur á því að allt mundi breytast Hver hefði getað ímyndað sér að við myndum sakna þessara tíma!

...........

Tue, 09 Jan 2007 18:50:24 GMT

Og Heiða er komin inn í hjúkkuna!!! :)

Heiða vill hitt og Heiða vill þetta

Wed, 13 Dec 2006 11:40:36 GMT

Ég er svo pirruð þessa dagana að ég verð hreinlega að fá útrás hér. Hún Heiða Birna getur ekki hætt að tala um að eignast barn - sí og æ, æ og sí hlustar maður á...ohh þau eru svo sæt, ohh ég ætla búa til eitt stykki á morgun...Jesús hvað þetta getur verið pirrandi. Svo veit ég líka alveg hver mun sitja uppi með krakkaræsknið - nú auðvitað ég! Heiða hefur ekkert tíma til að sjá um svona skríbi, hún er jú einu sinni að sauma segldúk úr laufblöðum! Svo gæti þetta líka orðið svo ljótt barn, það er ef það fengi genin frá pabbanum

Þannig að plís Eva, nennirðu að leggja fyrir Heiðu þessi próf:

Fituprófið
Smurðu hnetusmjöri á sófann og aðeins upp á gardínurnar. Settu nokkrar kjötbollur á bak við sófann og láttu þær vera þar yfir sumarið.

Leikfangaprófið
Náðu í kassa með 25 kílóum af Legó-kubbum. Fáðu vin þinn til að dreifa vel úr kubbunum á gólfið í íbúðinni. Láttu binda fyrir augun á þér. Reyndu svo að fara frá svefnberginu og inn í eldhús og aftur til baka. Það er bannað að vera í skóm og alveg bannað að æpa því það getur vakið barnið um nætur.

Stórmarkaðsprófið
Fáðu lánað eitt dýr af millistærð (t.d. geit) og farðu með hana í næsta stórmarkað að versla. Hafðu auga með geitinni allan tímann og borgaðu fyrir allt sem hún étur eða eyðileggur.

Fataprófið
Hefurðu prófað að klæða tveggja ára gamalt barn í föt? Fáðu þér stóran, lifandi og spriklandi kolkrabba. Troddu honum í lítið innkaupanet og passaðu að hafa alla armana inni í pokanum.

Matarprófið
Keyptu þér stóra plastkönnu. Fylltu hana til hálfs með vatni og hengdu hana svo upp í loftið í snúru. Láttu könnuna sveiflast til og frá eins og pendúl. Reyndu nú að koma einni matskeið af hafragraut niður um stútinn á könnunni um leið og þú leikur flugvél með skeiðinni. Helltu svo öllu innihaldinu á gólfið.

Næturprófið
Saumaðu þér lítinn poka úr sterku efni og fylltu hann með 4-5 kílóum af sandi. Klukkan 15 tekur þú pokann upp og byrjar að ganga um gólf með hann um leið og þú raular. Þessu heldur þú áfram til kl. 21. Leggðu þá pokann frá þér og stilltu vekjaraklukkuna á 22. Þá þarftu að vakna, ná í sandpokann og syngja öll þau lög sem þú hefur mögulega heyrt um ævina.

Semdu svo 10-12 ný lög og syngdu þau til kl. 4 um morguninn á meðan þú gengur um gólf með pokann. Stilltu vekjaraklukkuna á 5. Vaknaðu og taktu til morgunmat. Gerðu þetta alltaf 5 daga í röð og líttu glaðlega út!

Sköpunargáfuprófið
Fáðu þér eggjabakka. Búðu til krókódíl úr honum með aðstoð skæra og málningar. Fáðu þér svo tóma klósettrúllu og búðu til fallegt jólaljós úr henni. Þú mátt aðeins nota límband og álpappír. Að lokum skaltu fá þér tóma mjólkurfernu, borðtennisbolta og tóman Kornflakes-pakka. Búðu til alvöru eftirlíkingu af Eiffel-turninum.

Bílprófið
Gleymdu því að fá þér BMW og fáðu þér station-bíl (þið vitið þessi löngu að aftan til að geyma vagna, kerrur og alls konar fylgihluti!) Keyptu þér súkkulaðiís í brauði og settu hann í hanskahólfið. Láttu hann vera þar.

Finndu krónu. Settu hana inn í geislaspilarann í bílnum. Fáðu þér stóran pakka af kexkökum og myldu þær allar í aftursætið. Nú er bíllinn tilbúinn!

Þolpróf kvenna
Fáðu lánaðan stóran grjónapúða og festu hann framan á magann á þér. Þú getur notað öryggisnælur og nælt pokanum í fötin þín. Hafðu pokann framan á þér í 9 mánuði. Að þeim tíma liðnum geturðu fjarlægt 1/10 af innihaldi pokans ? 9/10 verða eftir.

Þolpróf karla
Farðu inn í næsta apótek. Settu seðlaveskið þitt opið á borðið og segðu apótekaranum að taka eins og hann vill. Farðu nú í næsta stórmarkað. Farðu inn á skrifstofu og gerðu samning við eigandann um að launin þín verði lögð inn á reikning búðarinnar um hver mánaðamót. Keyptu þér dagblað. Farðu með það heim og lestu það í ró og næði. Í síðasta sinn!

Lokaprófið
Komdu þér í samband við par sem á barn. Útskýrðu fyrir þeim hvernig þau geta bætt sig í agamálum, þolgæðum, þolinmæði, klósettþjálfun og borðsiðum barnsins. Legðu áherslu á að þau megi aldrei láta barnið sitt hlaupa um eftirlitslaust. Njóttu kvöldsins, því þú munt aldrei aftur hafa rétt svör við öllu.

Ertu enn tilbúin til að eignast barn???